|
Armenian Revolutionary Federation|Western U.S.A
|
||||||||||||||
|
|
Press Release
Ընթրիք-հանդիպում հայրենակցական միութիւնների հետ May 09, 2011
Հանդիպմանը մասնակցում էին շուրջ 40 ներկայացուցիչներ՝ Այնթափի, Վասպուրականի, Ուրֆայի, հայրենակցական միութիւններից, Հայ-Ամերիկեան Տարեցների միութիւնից, Իրաքահայերի միութիւնից, Լոս Անջելոսի Պոլսահայ միութիւնից, Կալիֆորնիայի Հայ Երիտասարդաց միութիւնից, ՀԱՍԿ կազմակերպութիւնից Կալիֆորնիայի Հայ Գրողների միութիւնից եւ Նոր Ջուղայի Բարեկամներ յանձնախմբից:
Միջոցառմանը զեկուցական հակիրճ ելոյթներով հանդէս եկան Հայոց Ցեղասպանութեան Միացեալ Մարմնի ներկայացուցիչներ՝ Ժան Գոսաքեանն ու Յակոբ Մարտիրոսեանը, ովքեր տեղեկութիւններ յայտնեցին մարմնի կազմաւորման եւ ծրագրերի ու իրագործումների մասին: Նրանք նաեւ կոչ ուղղեցին գաղութումս գործող բոլոր կազմակերպութիւններին ու միութիւններին, որ միանան եւ մաս կազմեն մարմնի աշխատանքներին, որպէսզի Հայոց Ցեղասպանութեան ոգեկոչման նման համագաղութային միջոցառումներին լոսանջելոսահայութիւնը ներկայանայ առաւել միասնական ճակատով: Զեկուցական ելոյթներով հանդէս եկան նաեւ Արեւմտեան Ամերիկայի Հայ Դատի Յանձնախմբի ներկայացուցիչ՝ Վիլեամ Բայրամեանը, որը մանրամասնութիւններ յայտնեց ամերիկեան քաղաքական ու հասարակական շրջանակներում Հայոց Ցեղասպամութեան ճանաչման ու պահանջատիրութեան հարցերով յանձնախմբի կատարած եւ կատարելիք աշխատանքների մասին, ինչպէս նաեւ Հայ Երիտասարդաց Դաշնակցութեան ներկայացուցիչ՝ Նարբէ Սահակեանը, որը տեղեկութիւններ յայտնեց ՀԵԴ-ի գործունէութեան, ՀԵԴ-ի ճամբարի եւ «Հայդուկ» պարբերականի մասին:
Զեկոյցաբերները իրենց ելոթներից յետոյ պատասխանեցին ներկաների հարցումներին եւ իրենց պատրաստակամութիւնը յայտնեցին համագործակցելու եւ իրենց հնարաւորութիւնների ու ծառայութիւնների գծով սատար հանդիսանալու հրաւիրեալ միութիւնների ու կազմակերպութիւնների աշխատանքներին:
Հանդիսութեան աւարտին փակման խօսքով հանդէս եկաւ Կենտրոնական Կոմիտէի Հանրային Կապի հարցերով պատասխանատու Պետիկ Թաշճեանը, որը շնորհակալութիւն յայտնելով միութիւններին եւ կազմակերպութիւններին՝ Հանրային կապի հրաւէրին ընդառաջելու եւ սոյն ընթրիք-հաւաքին ներկայ գտնուելու համար, յոյս յայտնեց, որ համագործակցութեան երկուստեք յանձնառութեամբ հնարաւոր կը լինի նոր աշխատանքներ ու ծրագեր մշակել գաղութիս հասարակական ու ազգային կեանքի բարգաւաճմանը նպաստելու եւ մեր համայնքին առաւել ծառայութիւն մատուցելու համար: Այնուհետեւ ներկաները հիւրասիրուեցին «Գաւառ» ճաշարանի պատրաստած համադամ ճաշերով եւ համախմբուած ընթրիքի կլոր սեղանների շուրջ ուենցան զրոյցի եւ մտքերի փոխանակման հաճելի մթնոլորտ:
Այս լուրերը տրամադրւում են ՀՅԴ Արեւմտեան Ամերիկայի Կեդրոնական Կոմիտէի Հանրային Կապի Գրասենեակի կողմից ARF Central Committee Office of Public Relations Contact Person: Saro Nazarian Tel: (818) 243-7059 Fax: (818) 243-1467
********************************************************
|
|||||||||||||
