Armenian Revolutionary Federation Western U.S.A
Հայ Յեղափոխական Դաշնակցութիւն
| Home | A.R.F. Chapters | A.R.F. Regions | About Us | About A.R.F. |
Main Menu
An Economic Study
December 21, 2010
ՀԱՂՈՐԴԱԳՐՈՒԹԻՒՆ
Իրանի Իսլամական խորհրդարանի հիւսիսային իրանահայութեան պատգամաւոր Գէորգ Վարդանեանը Լոս Անջելոս կատարած իր այցի շրջանակում, Շաբաթ, Դեկտեմբերի 18-ին, ընդառաջելով Իրանահայ Միութեան հրաւէրին այցելեց Գլենդէլում գտնուող միութեան նորակառոյց շէնքը, ուր ջերմօրէն ընդունուեց միութեան Խնամակալ մարմնի, Կենտրոնական վարչութեան եւ յանձնախմբերի անդամների կողմից: Սոյն այցելութեանը պատգամաւոր Վարդանեանին ընկերակցում էին ՀՅԴ Արեւմտեան Ամերիկայի Կենտրոնական Կոմիտէի Հանրային կապի յանձնախմբի ատենապետ՝ Րաֆֆի Կիւրինեանը եւ Յարութ Մանուկեանը:
Միութեան նորակառոյց շէնքի տարբեր բաժինները այցելելուց եւ շէնքի տակաւին շարունակուղ շինարարական աշխատանքների մասին միութեան պատասխանատուների կողմից տեղեկութիւններ տրուելուց յետոյ, պատգամաւորը մտերմիկ հանդիպում ունեցաւ յիշեալ անդամների հետ եւ պատասխանեց նրանց հետաքրքրող եւ իրանահայ ներկայիս կեանքին վերաբերող բազմազան հարցերին:
Այնուհետեւ պատգամաւոր Վարդանեանը ներկայ գտնուեց ի պատիւ իրեն միութեան կողմից տրուած ճաշկերոյթին՝ «Րաֆֆի» ճաշարանում:
Նշենք նաեւ, որ պատգամաւոր Գէորգ Վարդանեանը «Դաւթեան-Մարիամեան Կրթական հաստատութեան» հրաւէրով անցեալ շաբաթ հանդիպում է ունեցել հաստատութեան վարչութեան անդամների հետ, ովքեր մանրամասնութիւններ են ներկայացրել հանրային դպրոցներ յաճախող հայ աշակերտներին հայերէն սովորեցնելու հաստատութեան աշխատանքների ու ծրագրերի մասին:
|
|
Այս լուրերը տրամադրւում են ՀՅԴ Արեւմտեան Ամերիկայի Կեդրոնական Կոմիտէի Հանրային Կապի Գրասենեակի կողմից ARF Central Committee Office of Public Relations Contact Person: Saro Nazarian Tel: (818) 243-7059 Fax: (818) 243-1467 |
|
|